Category: FAQ

Ихэнх тохиолдолд усанд орсон ус туулсан машинууд голын дэлгэц гацах нь элбэг тохиолддог. Ийм тохиолдолд таарсан онтой таарсан кодтой NAVIGATION буюу дэлгэцийн компьютероор солиод үзэх хэрэгтэй. Болохгүй бол голын дэлгэц сольж үзэх хэрэгтэй. Зарим тохиолдолд цахилгааны жижиг массаас болж голын дэлгэц ажиллагаагүй болдог. NAVIGATION компьютер гэж юу вэ ? NAVIGATION нь нэг ёсондоо голын дэлгэцийн компьютер гэж хэлэхэд болно. Зарим энгийн Приус 20-ууд NAVIGATION байхгүй орж ирдэг тохиолдол цөөнгүй байдаг . Уг компьютер нь зорчигчийн сандал доор байрлаж байгаа. Үүрэг: Голын дэлгэцийн ажиллагаа Хөгжим дээр хуулагдаж сууж байгаа хард Япон улсдаа хэрэглэгдэх (Map) газрын зураг зэрэг зүйлүүдийг уг системийн тусламжтай хэрэглэж байна.

Таны автомашины их гэрлийн ламп өсгөгчтэй “XENON” бол асах цагийн хугацаа дууссан байна. Ламп үйлдвэрлэгч байгууллагууд ксенон лампад тодорхой асах цагийн хугацаа зааж үйлдвэрлэсэн байдаг. Зарим нэг тохиолдолд өсгөгч шатсан байдаг өсгөгч шатахад гэрэл асахгүй асах үедээ 5-10 сек болоод унтардаг. Приус 20 автомашинд өсгөгчтэй ламп нь: D2R болон D4R гэсэн 2 төрлийн сонголттой байдаг.

Явах эд ангид ямар нэг зүйл /Рулийн аппарат, тиаг, шарнер, өндгөн тулгуур, гар/ зэрэг солих үед мөн руль булааж байгаа үед, хөдөө /хол замд/ явж ирсний дараа тэнхлэг тохиргоо хийлгэж хэвшээрэй.

Та машиныхаа рулийн компьютерыг солих хэрэгтэй. Хэрвээ хөдөө хол явахаар бол руль гацах магадлалтай.

1. Ийм үед эхлээд та түлхүүрийнхээ батарейг солих хэрэгтэй.
2. Нэг кноп нь ажиллаад нөгөө кноп нь ажиллаагүй болсон үед шинэ түлхүүр тааруулах хэрэгтэй таны түлхүүр гэмтсэн байна.
3. Кноп хуулраад цавуугаар наасан үед мөн чип рүү цавуу орсон үед гэмтэнэ шинэ түлхүүр тааруулах хэрэгтэй таны түлхүүр гэмтсэн байна.
4. Зарим үед түлхүүрээ норгох, унагаж гэмтээдэг. Шинэ түлхүүр тааруулах хэрэгтэй таны түлхүүр гэмтсэн байна.
5. Бүтэн Ж приус 20 дээр түлхүүр ажиллахгүй байгаа үед түлхүүрийн чип гэмтсэн байна. Шинэ түлхүүр таниулах хэрэгтэй

Их гэрлийн ламп солихдоо лампыг сууринд нь зөв бөгөөд сайн суулгах хэрэгтэй. Хэрэв дутуу болон далий суурилуулбал их гэрлийн суурь хайлдаг.

Рүлийн уян гэмтсэн мөн обуд, дугуй өөр хэмжээтэй, тэнхлэг тохиргоо алдагдсан тохиолдолд шарвалтын гэрэл асаад хаазыг хязгаарлана. Рулийн уян солиулах дараа нь тэнхлэг тохиргоог шалгуулаарай.

Хүйтний улиралд хуучны жолооч нар автомашинаа хурдан халаахын тулд автомашиныхаа урд радиаторт зузаан цаас хийж битүүмжилдэг. Гэвч энэ нь сөрөг талтай. Орчин үеийн машин үйлдвэрлэгч компаниуд энэ бүгдийг тооцоолон төв компьютероос мэдээлэл аван цахилгаанаар ажилладаг сэнс мөн цахилгаанаар ажилладаг помп хийсэн байдаг. Автомашины урд зузаан цаас хийснээр хөргөх системийн ажиллагааг доголдуулах эрсдэлтэй. Үүнээс үүдэн шулуун замд явах үед хөдөлгүүр халах сөрөг нөлөөтэй.

Өгсүүр болон уруу газарт автомашинаа байрлуулахдаа эхлээд зогсоолын тоормосыг гишгэнэ. Дараа нь арааг N-рүү шилжүүлнэ. Тоормосны пидалаас хөлөө бага зэрэг авна. Ингээд P араанд хийнэ. Ингэснээр автомашины кропонд ирэх ачааллыг бууруулж насжилтыг уртасгадаг.

Приус болон Алфард, Сай гэх мэт автомашинуудад B гэдэг араа байдаг. Энэ нь “Brake” буюу тоормос гэсэн үгний товчлол. Ерөнхийдөө халтиргаатай уруу зам дээр уруудах үед B араанд хийж уруудсанаар хөдөлгүүрээр тоормослон автомашиныг гулгахгүйгээр огцом уруу газар уруудах боломжийг олгодог.