Улаанбаатар марафон – 2023 олон улсын гүйлтийн тэмцээнд 30 орны 20 мянга гаруй тамирчид оролцож байна. Prius center / Приус центр компанийн ажилчид 5 км замыг амжилттай туулан Улаанбаатар марафонд ажилттай оролцлоо.
Приус центрийн зүгээс жил бүр уламжлал болгон нийгмийн хариуцлагын хүрээнд зохион байгуулдаг “Ухаалаг үйлдэл Бидний хэв маяг” кампанит ажлаа 4 дахь жилдээ амжилттай зохион байгуулж Баянгол дүүргийн 57-р цэцэрлэгт зориулан “Замын хөдөлгөөний танхим”-ийг тохижуулж өглөө.
Хүүхэд бүр зам тээврийн ослоос урьдчилан сэргийлж, замын хөдөлгөөний дүрмийн анхан шатны мэдлэгтэй, замын хөдөлгөөнд соёлтой оролцох дадлыг мэддэг байх нь бидний энэ арга хэмжээний зорилго юм.
Мөн энэ сарын 5-ний өдөр зохион байгуулагдсан Баянгол дүүргийн сургуулийн өмнөх насны хүүхдүүдийн дундах “ЗАМЫН ХӨДӨЛГӨӨНИЙ ЦАГААН ТОЛГОЙ” тэмцээнд 57-р цэцэрлэгийн багачууд маань амжилттай оролцож алтан медаль хүртлээ. Приус Центрийн зүгээс 57-р цэцэрлэгийн хүүхэд багачууддаа эрдмийн их үйлсэд нь өндөр амжилт хүсье!
Нийслэлийн Ерөнхий Боловсролын 55-р сургуулийн хүүхдүүдэд зориулан 
“Газарзүйн кабинет”-ийг тохижуулж өглөө.
Приус центрийн зүгээс жил бүр уламжлал болгон нийгмийн хариуцлагын хүрээнд зохион байгуулдаг “Ухаалаг үйлдэл Бидний хэв маяг” кампанит ажлаа 3 дахь жилдээ амжилттай зохион байгуулж Нийслэлийн Ерөнхий Боловсролын 55-р сургуулийн хүүхдүүдэд зориулан “Газарзүйн кабинет”-ийг тохижуулж өглөө.
Нийслэлийн Ерөнхий Боловсролын 55-р сургууль нь “Хөгжлийн бэрхшээлтэй хүүхдүүдэд боловсролын үйлчилгээг, чанартай, хүртээмжтэй олгож тэднийг бие даасан амьдрал, хөдөлмөрт бэлтгэн, бодит чадвартай иргэн болгон хөгжүүлж төлөвшүүлэх зорилготойгоор 1978 оноос хойш 45 жилийн турш тасралтгүй үйл ажиллагаа явуулж Монгол Улсынхаа ирээдүйд асар том хөрөнгө оруулалтыг хийж байгаа байгууллага юм.
Манай байгууллагын зүгээс Нийслэлийн Ерөнхий Боловсролын 55-р сургуулийг хөгжлийн бэрхшээлтэй хүүхдүүдэд боловсролын үйлчилгээ үзүүлдэг дэлхийн жишигт хүрсэн сургууль болоход нь нийт ажилчид нэг өдрийн цалингаа хандивлаж жаахан ч гэсэн тус нэмэр болсондоо баяртай байна.
Приус Центр нь нийгмийн хариуцлагын хүрээнд “Ухаалаг үйлдэл – Бидний хэв маяг” хөтөлбөр нь 2020 оноос хийгдэж эхэлсэн бөгөөд Баянгол дүүргийн нэгдсэн эмнэлэгт 3 ширхэг хүчилтөрөгч өтгөрүүлэгч аппаратыг хандивласан.
Бид энэ удаад эмнэлгийн салбарт тулгамдаад буй асуудлыг барьж авч 3 ширхэг хүчилтөрөгч өтгөрүүлэгч аппаратыг Баянгол дүүргийн нэгдсэн эмнэлэгт хандивлалаа. Эмнэлгийн тусламж авах шаардлага гарсан хүн бүр техник, тоног төхөөрөмжийн асуудлаас үл шалтгаалан цаг тухайд нь эмнэлгийн тусламж авч чаддаг байх болтугай. Эмч, ажилтан та бүгдэд ажлын амжилт хүсье.
Ковид 19 цар тахал гарсантай холбогдуулан ЭМЯ-нд 1000ш маск, 1000000 төгрөгийн хандивыг өргөв.
Ковид-19 цар тахлын тархалтаас үүдэлтэй МСПК-н дотуур байранд тусгаарлагдаж орон нутаг руу явах боломжгүй болсон дотуур байрны хүүхдүүдэд 3 сая төгрөг хүртэлх хүнсний хангамжийг нийлүүлэв.
ПРИУС ЦЕНТР НЬ НИЙГМИЙН ХАРИУЦЛАГЫН ХҮРЭЭНД ОЛОН УЛСЫН ХҮҮХДИЙН ЭРХИЙГ ХАМГААЛАХ ӨДРИЙГ ТОХИОЛДУУЛАН БАЯН ЗҮРХ ДҮҮРГИЙН ЗОРИЛТОТ БҮЛГИЙН ХҮҮХДҮҮДИЙГ БАЯРЛУУЛЛАА. ТУРШЛАГА + СЭТГЭЛ ХАНАМЖ уриан дор үйл ажиллагаагаа явуулдаг манай Приус Центр Олон Улсын Хүүхдийн Эрхийг Хамгаалах Өдрийг тохиолдуулан ХҮҮХДЭЭ ХАЙРЛАЯ уриатай өдөрлөгийг амжилттай зохион байгууллаа. Энэхүү хөтөлбөрийн гол зорилго нь БЗД 10-р хороонд оршин суух 100 гаруй хүүхэд багачуудад зориулж A&G Entertainment-ийн авьяаслаг багачуудын урлагийн тоглолтыг толилуулж дуу хуур, бүжиг наадмын үзүүлбэрүүдээр бэлэг барилаа. Энэ өдөр хүрэлцэн ирсэн хүүхдүүд эцэг эхийн хамт хөтөлбөрт оролцон баярын өдрөө хөгжилтэй, зугаатай, бэлэгтэй өнгөрүүлсэн юм. ХҮҮХДЭЭ ХАЙРЛАЯ хөтөлбөрийн онцлог нь хүрэлцэн ирсэн хүүхэд бүрд ECO хэрэглээг уриалан, пластик уутнаас татгалзаж даавуун ууттай гарын бэлгийг гардууллаа. Дээрх бэлгийн даавуун уутыг Uut.mn-тэй хамтран тусгайлан зориулж бэлтгэсэн юм. Бид цаашид нийгмийн хариуцлагын хүрээнд нийгэмд хэрэгтэй олон зүйлс хийхээр төлөвлөсөн байгаагаас гадна, өөрсдийн авто засвар, үйлчилгээгээ дэлхийн стандартад нийцүүлэн ажиллаж байна.
“Ухаалаг үйлдэл Бидний хэв маяг” хөтөлбөрийн хүрээнд Өнөр бүл хүүхэд асрах төв, ЧД 56-р цэцэрлэг, өрхийн эмнэлэг, хүнд нөхцөлд гадаа ажилладаг ТҮК-ийн ажилчдад зориулан 3500 ширхэг PM2.5 шүүлтүүртэй утааны маскийг хандивлав.
